ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  RechercherRechercher  S'enregistrerS'enregistrer  ConnexionConnexion  
Le deal à ne pas rater :
[CDAV] -25€ dès 249€ d’achat sur tout le site avec le Code ...
Voir le deal

 

 Cuntrastu trà omu è donna

Aller en bas 
Aller à la page : 1, 2, 3, 4, 5, 6  Suivant
AuteurMessage
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Cuntrastu trà omu è donna   Cuntrastu trà omu è donna EmptySam 13 Avr - 7:53

Aghju imaginatu stu cuntrastu trà un omu è una donna, una scena ch'averia pussutu passassi à u pruncipiu di u ventesimu seculu (chì s'hè forse passata... geek ) in qualchi paese di Corsica.

Attaccu eiu. Piglia a seguita quale vole. Ùn vi scurdate micca di scrive OMU (DONNA) davanti à a vostra strufata (micca più di duie à volta).
L'organisazione m'impenserisce appena : forse chì duie persone averanu un'idea di risposta à u listessu tempu... scratch Ah ! Si viderà strada facendu.

Pensate à metteci l'irunia, u scherzu è a malizia per firmà in lu spiritu di i cuntrasti di tandu. Wink
Revenir en haut Aller en bas
http://isulana.blogspot.com
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptySam 13 Avr - 7:59

Omu
Bonasera o signurella
Duve andate per sti chjassi ?
Ùn sapete chì di notte
Sortenu i satanassi ?
V'accumpagneraghju appena
Dà stinzammi dui passi

Donna
Vi trovu bellu curiosu
Ùn mi piace sta manera
Ùn sò mancu u vostru nome
È mi fate u tralalera
U bughju ùn mi face nunda
Mi portu a mo lumera
Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: chjam'è rispondi   Cuntrastu trà omu è donna EmptySam 13 Avr - 17:07

Risposta scantata :m'hè venuta torta è s'hè finita listessa !

Mutante :

A sperenza vestuta a omu
cerca qualchi signurella
è cusi ci spiega nenzu
ch’hà mutatu chromosomu
per buscass’una fratella
è fassi chjamà Sperenzu !

Mutata :

Nantu u foru virtuale
ci vole à provàle tutte
di cambià virtù ci vale
di provà nove manere
per lacà e cose asciutte
è tastà altre più vere !

Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptySam 13 Avr - 19:22

Omu
Ete vistu o Signurella
Chì s'hè affaccatu u Ciocciu
Sottu à a luna e so piume
Parenu culore di brocciu
S'ellu ùn porta bona nova
Eiu u collu li torciu

Donna
Aiò fatela finita
Chì l'acellu di a campagna
À me tene cumpagnia
Quandu u mo core si lagna
Ùn hè micca cum'è voi
Chì mi fidighjate in catagna
Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu trà omu è donna   Cuntrastu trà omu è donna EmptySam 13 Avr - 22:42

Omu :
à sente vostre canzone
ciocciu imbuffa pettu è ochju
li si pare ess’un paone
ma teme u core in crochju
ch’ell’ùn sia ch’un annochju
‘sta buscica di sapone !

Donna
Ùn sera a prima volta
che lu fantasmu t’annochji,
ùn si po chjove l’ochji
ch’a tempu a carezza colta,
T'aghju vantatu in carità
solu di stintu S.P.A
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptySam 13 Avr - 23:56

Omu
Avà si ch'aghju capitu
U scopu di a spassighjata
Andate à truvà u Ciocciu
Per favvi una ragiunata
A scema di u paese
Credu d'avella truvata

Donna
Ma di cosa v'occupate
Ùn hè micca affare vostru
È fidighjatevi in un spechju
Chì parite tuttu un mostru
A vi scrivu nantu à a carta
Sè vo mi date l'inchjostru
Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: Cuntrast omu è donna   Cuntrastu trà omu è donna EmptyDim 14 Avr - 9:01

Caru o Cara ?
ùn sò micca ‘maschje è fème’
ùn possu pensà per dui
per un tempu rompimu a regula
si pò sempre ripiglià per esse
torna paru è sparu :

« À core sinceru è apertu
sentimentu ùn hà stagione,
un solu sguardu u move
d’un zombu face un ‘suartu’*
è s’atteppa senza ragione
chì li trica avene prove .”

*suartu : poghjalettu à sulana,
piricùccula, ancu puru senza sùvare.

à voi :
…… ?
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyDim 14 Avr - 11:10

U Ciocciu ùn hè apertu
À e nove sperienze
Si pò esse omu è donna
Dicenu i libri di scienze
A sò cosa ellu ne pensa
Ch'in Calviani ci aghju e lenze...

Dunque:

"Mi tocca à fà a risposta
À ste rimette gentile
È risposte n'aghju mille
Da empiene un curtile
S'ellu vi sente u core
V'imprestu u mo mandile."

Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu è donna   Cuntrastu trà omu è donna EmptyDim 14 Avr - 22:02

Ribombu nantu à u tilaghju scrittu sopra:

« Astru ch’o pensu à la mio cosa
ùn stinza micca quant’una lenza
ma puru stendu vergugnosa
vole pruvà tutti i rughjoni,
hà un capucciu è campa senza
Calvianu, scienze è Casacconi. »

Dunque :
« Trovi e mo ‘rimette gentile’
valenu quantu à ciò ch’ò sentu
e scaccanate di curtile,
ùn ti ghjova d’avene centu
s’ellu ùn t’asciuva di lu pientu
manc’un lenzolu per mandile. »
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyDim 14 Avr - 22:36

Ribombu nantu à u primu messaghju:


S'ella ùn hà ch'un capucciu
La si metti un cappellettu
Da francassi da a saetta
S'ellu si ne vola u tettu
Sapete per Casacconi
Soffia spessu Magumettu...

Dunque :

"Dite nenzu u vostru nome
È ùn siate scurtese
Fate una strana vita
Di paese in paese
Site forse un arrutinu
Benchì ùn vi vechi arnese..."
Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu donna   Cuntrastu trà omu è donna EmptyLun 15 Avr - 0:14


Seguita !... !

"Sta capochja circarina
s’addirizza per l’intisgiu
prova sempre di fa china
runzulendu tal un misgiu
sempre incalffa’u so pilone
colp’à colpu ogni stagione."

Dunque:
"Ùn vale à esse arutinu
s’aruda da di per ellu
fendulu so pass’è vene
u so nome hè sempre quellu
cunisciutu è diciarinu
tutte e labre u ponu tene.
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyLun 15 Avr - 7:30

Seguita !

"S'incalfa u so pilone
È face u traculinu
Vi saluta à l'occasione
Sè vo a scuntrate in caminu
S'ell'ùn ci hè nimu in finestra
Si ne fughje à a lestra"

Dunque :

"À ùn cunnosce stu nome
Seraghju tandu a sola
Sortu pocu è mi stancu
À manighjà maria è piola
È giurnale ùn ne compru
Ch'ùn sò andata à a scola" imbarazzatu


Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyLun 15 Avr - 9:07



Bella zitella, mi cuntrastu
ùn simu più tantu di segnu
per accurdà u nostru tastu,
ripigliemu u primu filu
senza perde u veru impegnu,
per sì o nò ci basta à dillu .

Ùn vi spacenziate tantu
o bellu omu curtigianu
tuttu vene in tempu è ore
senza fà trostu tamantu,
prima ch’ò vi dià à manu
incantate lu mio core.
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyLun 15 Avr - 13:06

Serà più d'un misarellu
Ch'o vi guardu da luntanu
Quandu site à u purtellu
Vuleria esse lu ventu
Chì carezza a vostra manu
Ma stò piattu è mi ne pentu.

Caru signore pueta
Mi purtate dolce stima
Vi steria à sente l'ore
Tantu mi rendite leta
Serà chì a vostra rima
Addiletta u mo core.

Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu donna   Cuntrastu trà omu è donna EmptyLun 15 Avr - 14:49

Sperenza a écrit:
Serà più d'un misarellu
Ch'o vi guardu da luntanu
Quandu site à u purtellu
Vuleria esse lu ventu
Chì carezza a vostra manu
Ma stò piattu è mi ne pentu.

Caru signore pueta
Mi purtate dolce stima
Vi steria à sente l'ore
Tantu mi rendite leta
Serà chì a vostra rima
Addiletta u mo core.

Ùn sò s’ò risponderaghju, vene d’in altu è ùn mi vogliu piglià a scala !
In tantu bravu Sperenzu 1 è Sperenza 2, anu fattu mosca a mezu tastu è Puesia.
S’elli ghjunghjenu à fà trè personne in una …ùn simu senza nunda
Ci vole esse inamurata à veru per scrive cusi ! l’aghju fattu u so quatru è l’aghju
appiccatu in stanza !
Torna una cusi è pigliu a mo ritirata di scrittura è mi faciu ingaggià cum’è primu lettore.
Ò i mio sogni ! ùn sò vicinu di toccàli u core è più pocu a manu ,,, sò sperenzatu !

ps : « BIS ! »
-Ter : vengu di rileghje e mi sò messu u ditu nantu à e labre fendu « bibu, bibu, bibu, »
-Ter bis : più che u ventu chì li vole piglià a manu vuleria esse un Typhon , fàlla gira più ch’un frullu per portamila sana sana da pedi in capu
cantendu « aintyphon ,font, phont » …etc

-Ter ter :Sperenza hè chjamata à u controlu anti dopage : Ch’hai fumatu ?
Revenir en haut Aller en bas
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu donna   Cuntrastu trà omu è donna EmptyLun 15 Avr - 16:28

leghjite sempre stu pezzu di prosa sopra in tantu,a risposta hè pronta a buccherahju
à a seguita .
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyLun 15 Avr - 18:25

Vi ringraziu ! Tante lode ! imbarazzatu
Un cuntrastu si face à dui, aghju seguitatu u chjassu ch'è v'avete apertu , nunda altru aghju fattu...
Una manera di dì chì s'elle sò belle e mo rime, ci site per qualcosa o Ciocciu... salutu2
Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu è donna   Cuntrastu trà omu è donna EmptyLun 15 Avr - 20:56

Sperenza a écrit:
Serà più d'un misarellu
Ch'o vi guardu da luntanu
Quandu site à u purtellu
Vuleria esse lu ventu
Chì carezza a vostra manu
Ma stò piattu è mi ne pentu.

Caru signore pueta
Mi purtate dolce stima
Vi steria à sente l'ore
Tantu mi rendite leta
Serà chì a vostra rima
Addiletta u mo core.


Ò s’ella fussi vera !

« Mi tocca avà d’appinzà rima
sapendu chì bella più forta
a to musa sempre di prima
ghjè u ‘Sesame’ d’a to porta
li vogliu esse in bona stima
per chere d’ella amica accolta. »

« Ancu senza esse pueta
à l’assumbretta t’aspettu
per sparte u core per metà,
sentu move un focu in pettu
soga ci’hai messu à teda,
accatizzà ti permettu. »
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyMar 16 Avr - 7:39

Sempre in rima multiplicata
Vogliu rinchere lu to fiatu
S'ella m'aiuta a Musa fata
Chì tremu cum'è un cundannatu
D'avetti quì à lu mo latu
Mai l'averia pensata

Per ch'ellu mi piaci un versu
Ùn fideghju a lungura
Ùn sia micca cusì persu
Tù sì più chè à l'altura
È di stu puema chersu
Dammine sempre lettura
Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu è donna   Cuntrastu trà omu è donna EmptyMar 16 Avr - 7:51

Trè 'bien', quasi quatru !dettu da dumenicu Leschi dopu una bella paghjella di i so
amici.
Aghju lettu è scappu, ma senza mal intesu o mal capitu: l'aghju avè dura cu tè !
Revenir en haut Aller en bas
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu è dona   Cuntrastu trà omu è donna EmptyMer 17 Avr - 18:16





Sperenza hà scrittu : « u cuntrastu si face in dui quantu i passi d’una ballata !

Ciocciu : « Ùn ci hè paura …ghjè un TANGO ! » ………………………………..doble

INTERMEZZU DUI à DUI

U cuntrastu si face in dui… u maso dice di nò …….megliu per ellu .
U cuntrastu si face in dui è moltu più l’armunia senza ghjunghje à una para cù a paghjella : sesta di l’armunia in trè .
Quì u cuntrastu si face in quantu simu di corsi ma quelli di a pulitica sò di più !
In fattu per u tastu ‘ donna è omu’ ci’hai fattu parte di u pede zoppu : l’omu chjama u primu è a donna risponde . « Sì mysogine o che ? » à spessu per e case si passa à l’incontrariu ben ch’in amore tocca per u più à l’omi di fà ‘L’Antipasti’ ma s’impattanu nantu à u dolce senza mancu circà d’aspettà per sparte .
‘Donna è omu’ si face in quatru( hum ?) : duie à dui un colpu per ò, è vicinu à più l’infinitu vistu ch’ùn simu ancu pronti à compie !
Per quelli ch’ùn seguitanu : donna è omu ghjè un quatru à quatru , à chì punta, à chì tira pò passà ogni lochi .
Per u cinque à sette.. chjamami puru ! se ùn avemu a rima, incrocendu i pedi qualcosa feremu !

Prima di ripiglià u cuntrastu è per seguità u tastu ancu in l’Intermezu, aghju pensatu à què :

(Ukulèlè :guitaruccia Polynesiana)

AIKULÈLÈ d’ ISULA LUNTANA

« Sbucciu in pareo
è mi spannu in un sognu
culore caffè »

« Sognu o Vahinè
expresso passatu m’hè
sò un ex caffè ! »
§
Revenir en haut Aller en bas
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu è donna   Cuntrastu trà omu è donna EmptyLun 22 Avr - 10:45


Sperenza hà scrittu
Donna :
Per ch'ellu mi piaci un versu
Ùn fideghju a lungura
Ùn sia micca cusì persu
Tù sì più chè à l'altura
È di stu puema chersu
Dammine sempre lettura
_______________________

Ciocciu :
« Di scrittura è di lettura
simu mezu d’accunsentu
u cuntrastu cambia versura
ma rinasce tempu spentu
ch’ùn cunnoscu ne ùn sentu
ne a voce ne a fiura. »

Donna :
« Sò l’amore è u lamentu
passu è voltu à l’appiattu
meta sognu, meta ventu
so propiu una donna strana,
sò u focu è sò u trattu,
nimu ùn doma l’Arlesiana. »
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna EmptyLun 22 Avr - 15:37

O Ciocciu !

Stu cuntrastu, l'avia annunziata, u vulia lebbiu è scherzosu, in accordu cun a mo persunalità, l'estru meiu, ciò ch'è possu purtà...Cum'è ellu hè diventatu, ùn mi garba...bò lascemu corre u fondu è fidighjemu piuttostu a forma : ùn era megliu à fà : unu a chjama, è l'altru a risposta (regule di u CR risa ) ?

Fendu dui persunagi à tempu, caccia a spuntaneità chì spessu porta sta forza è sta bellezza à u CR. Lascia un gustu di lazzu, qualcosa chì face ch'ùn possu veramente appreziàllu.

Avia datu una cunsigna chjara purtantu o Ciocciu (scherzu) imbarazzatu ...Avà mi dicerai, quandu u CR piglia u so volu ùn si sà micca versu chì sponda atteppa...Ancu s'ùn sò micca una grande spezialista... Cuntrastu trà omu è donna 1390006889

Allora chì femu ? Aghju pensatu à dimezàllu, è fà dui cuntrasti staccati, unu allegru (ripigliendu a mo prima chjama) è l'altru più seriu . Cusi ùn perdimu micca ciò chì n'avemu scrittu, è sta volta u femu cun un persunagiu signunu.

Chì ne pensi ? suspettu


Eccu intantu a mo risposta (è chjama risa ) :


Donna di Ciocciu hà scrittu :
Sò l’amore è u lamentu
passu è voltu à l’appiattu
meta sognu, meta ventu
so propiu una donna strana,
sò u focu è sò u trattu,
nimu ùn doma l’Arlesiana.
..........................................................................................................................................

Omu:
Tandu serà statu vanu
stu basgettu veranile
prumettente è innuratu
cum'è à sulana u granu
datu à u mese d'aprile
è di maghju smenticatu.

Donna:
Guai à chì di e rosule
vede solamente i spini,
ch'ùn sà ascultà vaghjime
chì dice ch'hè più faciule
d'intreccià pumpose rime
ch'è d'accuppià i destini.




Revenir en haut Aller en bas
http://isulana.blogspot.com
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu donna   Cuntrastu trà omu è donna EmptyLun 22 Avr - 19:48


L'aghju dettu à principiu l'amore ùn pò esse sempre vestutu listessu
Andemu à filari libari d'un tantu sparu o nò, un mandu per ò.

(Feghja appena u spechju,se t'ùn cunnosci l'Arlesiana)
Brava per u primu è rispondu à u secondu

U ventu hà turnatu a fraschetta
à mezu u so tangu purcinu
carcu a fiori di rime estrose,
ùn pensu cuntàli fioretta,
ne mancu intreccià destinu
cù nisune camonchje spose.
Revenir en haut Aller en bas
Lùlù

Lùlù

Messages : 774
Date d'inscription : 04/11/2012

Cuntrastu trà omu è donna Empty
MessageSujet: cuntrastu omu donna   Cuntrastu trà omu è donna EmptyLun 22 Avr - 21:35

Ò cusi bella sgherba m'hai messu in u core
a prima chi per tè mi disceta tutte l'ore
Alegria u mio dulore di scrive u t'amore.

L'amore rottu o scappatu
hè u più chì piglia piazza
si stà caontu è mucatu
ùn ci'hè nunda ch'u rimpiazza,
ancu a sperenza hè lazza
ch'ùn mi feghji mancu à latu.
Revenir en haut Aller en bas
Contenu sponsorisé




Cuntrastu trà omu è donna Empty
MessageSujet: Re: Cuntrastu trà omu è donna   Cuntrastu trà omu è donna Empty

Revenir en haut Aller en bas
 
Cuntrastu trà omu è donna
Revenir en haut 
Page 1 sur 6Aller à la page : 1, 2, 3, 4, 5, 6  Suivant

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Chjama è rispondi-
Sauter vers: