Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Scritti imposti

Voir le sujet précédent Voir le sujet suivant Aller en bas 
Aller à la page : Précédent  1, 2, 3 ... 7, 8, 9, 10, 11  Suivant
AuteurMessage
Addisperata

avatar

Messages : 205
Date d'inscription : 10/03/2012

MessageSujet: Re: Scritti imposti   Jeu 26 Sep - 1:44



scrivite un manifestu tuntinu à l'usu Rintu Coti, salvemu u talaveddù di u Pumonte, o chì ne sò...
Revenir en haut Aller en bas
Voir le profil de l'utilisateur
desideriu

avatar

Messages : 2
Date d'inscription : 29/09/2013
Age : 50
Localisation : Afà

MessageSujet: Bella cum'e un camiò ?   Dim 29 Sep - 8:02

Ùn si dice micca "bellu(a) cum'e un camiò" ?
Cusì, quellu chi trova chi a so donna hè bella (ancu puru senza avè bèttu), a pò paragunà 'cù un camiò senza teme di mancà-li di rispettu...
Ma da quì à priferisce un camiò à una donna...c'hè un passu ch'eiu ùn possu francà...
Ci pudemu quantunque amusà à cercà cosa hè chi puderìa fà chi un camiò sìa più intaressente che una donna...
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Dim 29 Sep - 11:16

@desideriu a écrit:

Ci pudemu quantunque amusà à cercà cosa hè chi puderìa fà chi un camiò sìa più intaressente che una donna...
i parechocs di u camiò sò assai più voluminosi chè quelli di a donna? scratch paura
Revenir en haut Aller en bas
Voir le profil de l'utilisateur
Circione

avatar

Messages : 2187
Date d'inscription : 27/02/2012

MessageSujet: Re: Scritti imposti   Lun 30 Sep - 17:23

Millu millu à Desideriu!!! cheers 

O amicu stà à sente l'affare di u camione hè veru, hè una sprissione assai cunnisciuta ma chì ùn si pò micca dì quand'omu vole per esempiu si diciarà:

Circione hè bellu cum'è un camione

ma:

Ghjallochju hè boffu cum'è un pidochju
Tittolu hè boffu o figliolu
Sidussincu hè boffu u tintu
Caparrittu hè boffu chì zittu
Lulù hè boffu chì ùn ne pò più, ecc.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
desideriu

avatar

Messages : 2
Date d'inscription : 29/09/2013
Age : 50
Localisation : Afà

MessageSujet: Re: Scritti imposti   Lun 30 Sep - 18:15

Eccu...dunqua s'ò aghju capitu bè, si puderìa dì chì "Desideriu hè cusì bellu chi ghjè un vittuperiu !"
Revenir en haut Aller en bas
Voir le profil de l'utilisateur
Circione

avatar

Messages : 2187
Date d'inscription : 27/02/2012

MessageSujet: Re: Scritti imposti   Lun 30 Sep - 18:48

innò quessa a rima stà cù Uliveriu micca cun Desideriu.
risa 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Lun 30 Sep - 19:04

@Circione a écrit:

Circione  hè  bellu cum'è  un  camione

ma:

Ghjallochju hè  boffu  cum'è  un  pidochju
Tittolu  hè  boffu  o figliolu
Sidussincu hè boffu u  tintu
Caparrittu hè  boffu  chì zittu
Lulù hè  boffu  chì ùn ne  pò più, ecc.
è petra alta? paura 
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Lun 30 Sep - 19:17

@Circione a écrit:
innò  quessa a rima   stà  cù  Uliveriu micca  cun  Desideriu.
risa 
Sò d'accordu, Vituperiu và cù Uliveriu risa 
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Lun 30 Sep - 19:18

petra alta a écrit:
@Circione a écrit:

Circione  hè  bellu cum'è  un  camione

ma:

Ghjallochju hè  boffu  cum'è  un  pidochju
Tittolu  hè  boffu  o figliolu
Sidussincu hè boffu u  tintu
Caparrittu hè  boffu  chì zittu
Lulù hè  boffu  chì ùn ne  pò più, ecc.
è petra alta? paura 
Boffa ch'omu ne trasalta ? risa 
Revenir en haut Aller en bas
Voir le profil de l'utilisateur
Circione

avatar

Messages : 2187
Date d'inscription : 27/02/2012

MessageSujet: Re: Scritti imposti   Lun 30 Sep - 22:57

Aiò o  Tittolu cum'è tù  sè  gattivu! No 


 Petra  Alta  hè bella...













cum'è una talpa :


lingua

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mar 1 Oct - 22:40

Circione  hè bellu...













cum'è un serpu arcone*
(ghjè infcor chì m'hà datu sta parolla  )








si vulete sapè ne di più andate puru quì risa 
http://dailygeekshow.com/2013/08/22/21-animaux-inhabituels-dont-vous-nauriez-jamais-soupconne-lexistence/
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mar 1 Oct - 22:40

o cum'è un maccarone? lingua 
Revenir en haut Aller en bas
Voir le profil de l'utilisateur
Circione

avatar

Messages : 2187
Date d'inscription : 27/02/2012

MessageSujet: Re: Scritti imposti   Mar 1 Oct - 23:02

ind'è noi si dice un sarpe arcolu n'hè pienu u lavu di u Cintu

ti lasciu induvinà a rima

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Mar 14 Jan - 9:02

@Circione a écrit:
Sperenza a écrit:
È per a prosa ùn lampa nimu un sughjettu ? Rolling Eyes 

s'è  t'ai un'idea...
 ditone 

Prupongu u tema di l'auto-stop (ùn sò micca cum'ellu si dice in corsu... imbarazzatu )
Revenir en haut Aller en bas
Voir le profil de l'utilisateur http://isulana.blogspot.com
Lùlù

avatar

Messages : 768
Date d'inscription : 04/11/2012

MessageSujet: Scrittu impostu AUTO-STOP   Mar 14 Jan - 10:35

Sperenza a écrit:
@Circione a écrit:
Sperenza a écrit:
È per a prosa ùn lampa nimu un sughjettu ? Rolling Eyes 

s'è  t'ai un'idea...
 ditone 

Prupongu u tema di l'auto-stop (ùn sò micca cum'ellu si dice in corsu... imbarazzatu )

Da cio ch’o sò auto stop hè venutu dopu, prima quandu un paesanu si truvava per strada facia l’attu per fà piantà carru o vittura .
Si sciaccava à mez’a strada è faccia l’attu (sempre di manu) per fà capi
ch’ellu cheria aiutu.
Si pò fà mottu di capu,di capellu o di manu per salutà è si face l’attu da sopra à sottu
per fà piantà è quessa ùn l’aghju vistu guasi ch’in Corsica !
A Puesia ferà à so strada è u tastu a soia,ùn crèu ch’elli si crocinu !
Fami puru l’attu, s’ell’ùn hè in puesia ùn averai ne « Tottu ne Mottu »
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mar 14 Jan - 19:06

Sperenza a écrit:
@Circione a écrit:
Sperenza a écrit:
È per a prosa ùn lampa nimu un sughjettu ? Rolling Eyes 

s'è  t'ai un'idea...
 ditone 

Prupongu u tema di l'auto-stop (ùn sò micca cum'ellu si dice in corsu... imbarazzatu )


bella idea  evviva 
avemu cum'è amministratori è furisti dui o trè psicopatti* chì ci ponu inventà una storia tremenda à partesi di stu sugettu originale!
*cf. http://tarrorifantasia.blogspot.fr/
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Jeu 16 Jan - 9:55

@Lùlù a écrit:

Da cio ch’o sò auto stop hè venutu dopu, prima quandu un paesanu si truvava per strada facia l’attu per fà piantà carru o vittura .
Si sciaccava à mez’a strada è faccia l’attu (sempre di manu) per fà capi
ch’ellu cheria aiutu.
Si pò fà mottu di capu,di capellu o di manu per salutà è si face l’attu da sopra à sottu
per fà piantà è quessa ùn l’aghju vistu guasi ch’in Corsica !


Capiscu appena megliu avà u mendu d’unu chì quandu ellu falava in Borgu ind’è  a nipote, per traversà u naziunale si mettia à mezu è sbracciulava da fà pientà e vitture ( forse cum’è quandu facia l’attu nantu à a strada d’u paese ) à  risicu di cagiunà qualchi accidente è peghju, di fàssi tumbà...
Revenir en haut Aller en bas
Voir le profil de l'utilisateur http://isulana.blogspot.com
Lùlù

avatar

Messages : 768
Date d'inscription : 04/11/2012

MessageSujet: scritti imposti   Jeu 16 Jan - 14:23

Sperenza a écrit:
@Lùlù a écrit:

Da cio ch’o sò auto stop hè venutu dopu, prima quandu un paesanu si truvava per strada facia l’attu per fà piantà carru o vittura .
Si sciaccava à mez’a strada è faccia l’attu (sempre di manu) per fà capi
ch’ellu cheria aiutu.
Si pò fà mottu di capu,di capellu o di manu per salutà è si face l’attu da sopra à sottu
per fà piantà è quessa ùn l’aghju vistu guasi ch’in Corsica !


Capiscu appena megliu avà u mendu d’unu chì quandu ellu falava in Borgu ind’è  a nipote, per traversà u naziunale si mettia à mezu è sbracciulava da fà pientà e vitture ( forse cum’è quandu facia l’attu nantu à a strada d’u paese ) à  risicu di cagiunà qualchi accidente è peghju, di fàssi tumbà...

CIAMBUTTIME !

In tempu di cavalli, u carriteru partia ogni matina per Bastia è per strada si cansava
chi li davanu roba da portà quindi è culandi.
Dopu u carru di u serviziu pigliava passageri à passà è à vene.
Vi spiegu a strada longa chi l’avia bella di cansassi più ch’à spessu,
ogni l’attu era un ordine curtesu !
Tempi di cavalli in Cervioni u sgiò Carlu partia in ‘cabriulè’ per i so lochi
Era bravu, à a manu cù tutti è rispettatu mà pocu attentu per ùn dì imbasgialitu
è si facia macagnà di bon estru chi si ne ridia d’ellu.
Falendu per Prunete si cansa à piglià à unu chi si coglie è dice :
« Attenti à e strade ò Scià ! »
( e strade di tandu per u più carraghje colme à ciotti è petre avianu vistu pocu catramu
è ci vulia esse praticu )
Or basta u sgiò Carlu intoppava listessa è l’altru ciambuttatu : « À’Ù ! pianu ò Scià ! »
Eccuci chi sboccanu in a ligna diritta di Crucivia è ci’era un petrònculu à meza strada.
« Attenti ò Scià ! »
Trincc’à diritta è strapp’à manca ..Bùffata ! u si para nenzu !
«  Bràvu ò Scià ! cusi pudemu dì ch’o l’avemu pigliate tutte ! »
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Ven 17 Jan - 10:45

petra alta a écrit:



bella idea  evviva 
avemu cum'è amministratori è furisti dui o trè psicopatti* chì ci ponu inventà una storia tremenda à partesi di stu sugettu originale!
*cf. http://tarrorifantasia.blogspot.fr/

Un hitchhiker in stu genaru tandu. Wink 


Revenir en haut Aller en bas
Voir le profil de l'utilisateur http://isulana.blogspot.com
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Ven 17 Jan - 10:51

@Lùlù a écrit:


CIAMBUTTIME !

In tempu di cavalli, u carriteru partia ogni matina per Bastia è per strada si cansava
chi li davanu roba da portà quindi è culandi.
Dopu u carru di u serviziu pigliava passageri à passà è à vene.
Vi spiegu a strada longa chi l’avia bella di cansassi più ch’à spessu,
ogni l’attu era un ordine curtesu !
Tempi di cavalli in Cervioni u sgiò Carlu partia in ‘cabriulè’ per i so lochi
Era bravu, à a manu cù tutti è rispettatu mà pocu attentu per ùn dì imbasgialitu
è si facia macagnà di bon estru chi si ne ridia d’ellu.
Falendu per Prunete si cansa à piglià à unu chi si coglie è dice :
« Attenti à e strade ò Scià ! »
( e strade di tandu per u più carraghje colme à ciotti è petre avianu vistu pocu catramu
è ci vulia esse praticu )
Or basta u sgiò Carlu intoppava listessa è l’altru ciambuttatu : « À’Ù ! pianu ò Scià ! »
Eccuci chi sboccanu in a ligna diritta di Crucivia è ci’era un petrònculu à meza strada.
« Attenti ò Scià ! »
Trincc’à diritta è strapp’à manca ..Bùffata ! u si para nenzu !
«  Bràvu ò Scià ! cusi pudemu dì ch’o l’avemu pigliate tutte ! »

Bravu o Lùlù ! UNU ti ringrazia per a lettura chè tù li offri. cheers 

Mi face pensà chì nantu à certe strade simu sempre cusì ciambuttati !!
Revenir en haut Aller en bas
Voir le profil de l'utilisateur http://isulana.blogspot.com
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Sam 18 Jan - 17:18

Aghju un vechju scrittu. Sò ch'ùn cunvenerà micca, postu ch'ùn hè ìneditu, è forse vi ramenterà qualchi ricordi d'un tempu duve erite tutti più ghjovanni di parechji anni, ma u mettu quantunque per memoria.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Sam 18 Jan - 17:20

Francescu Arliconi vultava in paese soiu, Nivrasi. Passendu per u giratoriu di Casamozza, sculunnò un omu chì li facia cennu. Ben ch’e naturalmente sfidanciu di a ghjente ch’ellu ùn cuniscia, sopra tuttu dopu à a strania sparizione di u so cugnatu, Francescu decidò di piantà a so vittura per vede cosa vulia l’omu. Senza parole, ellu rientrì in a vittura è Francescu, senza frasturnàssi di più, ripigliò a so strada.

U straniu omu scunisciutu s’era pusatu davanti, nant’à a « piazza di u morte », è s’assumigliava tuttu à un sgiò. Di fattu, ben ch’e crosciu da u groppu, Francescu ùn vedia ch’e troppu bè ch’e a so vistura era di bona qualità. D’altronde, si tenia cusì dirittu ch’e, paragunatu à ellu, Francescu si sentia gobbu o inzimbitu. Degnu degnu, paria attempu ghjovanu, è attempu vechju. A so pelle era quella d’un omu ghjovanu, quante i so gesti, ma a so andatura generale era assai più matura. A tal puntu ch’e malgratu i so sforzi, era propiu impussibile à Francescu d’attribuisce un età à l’omu pusatu accantu à ellu in a vittura.
Ma u più chì disturbava Francescu, era di custatà fin’à chì puntu ne era impenseritu è fin’à chì puntu e so pinsate eranu cume monopulizate da stu viaghjatore, mentre ch’ellu avia dighjà à bastanza pinseri impurtanti.
D’altronde, Francescu ùn vedia ch’e troppu ch’ella ci era qualcosa di veramente misteriosu in st’omu firmatu mutu impassibile. U peghju era u so sguardu, attempu fretu, crudelu è perversu. Un sguardu inumanu.
Più caminava, è più Francescu principiava à sentessi malconciu, senza ch’ellu pudessi spiegà perchè. A timperatura paria essessi calata in a vittura da a sola presenza di l’omu chì, ben ch’e firmatu mutu, era dighjà in pusizione di duminazione.
Per tuttu quessu, è per francà u disandiu chì li paria d’essessi impatrunitu di a so anima, Francescu decidì d’inizià a cunversazione, dumandendulli :
« Induve andate ? »
« In Figari. » Rispose u passageru invitatu.
Mentre ch’ellu parlava per a prima volta, Francescu capì subitu ch’e u cuntrastu ùn migliureria mai l’atmusfera pisia di a vitura. A voce di l’omu era attempu linda linda, freta, è monda crudella attempu. Senza ch’ellu fussi capace di spiegàssi perchè, a voce li sembrava inumana quante l’omu accantu à ellu. Puru, malgratu s’accertata, Francescu, carcu di bona vulintà, perseguitò u cuntrastu :
« Figari ? Duv’ellu ci hè l’aeruportu ? »
« Iè. Culà. » Rispose l’altru, sempre cusì fretu.

Incù ste poche parole, a timperatura calò ancu di più in a vittura. Incù a so sola presenza, l’omu misteriosu era spavintosu. Senza chì a so faccia fussi spezialmente brutta, l’omu era d’una guffezza eccezziunale è incumprensibile attempu. Ben ch’e quasi bellu di faccia, era goffu, è Francescu si pentia dighjà d’avèllu pigliatu cun ellu. Puru, sempre bramosu di smurbàssi, Francescu cuntinuò u cuntrastu, dichjarendu :
« L’aeroportu di Figari ? Hè fattu per i signori o per i ricchi. Micca per noi. »
Puru, subitu subitu, Francescu si pentì di a so frasa, pensendu chì forse l’omu era ellu stessu un riccu o un « signore », tale ch’ellu l’avia evucatu. À stu mumentu precisu, li parì ch’ellu l’avia fattu à posta ghjustu per frasturnàllu di più, è ormai, si dumandava cumu facia l’omu per mettellu cusì malconciu senza dì nunda, o quasi.

Tandu l’altru iniziò un surrisu. Un surrisu falsu è gattivu, chì quasi s’averia pussutu chjamà un mal’surrisu. Era cume un surrisu di trionfu, un surrisu di ghjattu prontu à chjappà un topu. Un surrisu cusì aghjacciente chì Francescu, per a prima volta di a so vita, accendì a scalderia di a so vittura in pienu mesu di settembre. Infine, l’omu dichjarò, ironicu :
« Ùn vi piacenu micca i signori ? »
Pò, senza mancu lascià u tempu à Francescu di risponde qualcusella, sughjunghjì :
« Ùn avete mai pinsatu à una soluzione sicura è sempiterna per sbarazzàvvi una volta per u sempre di i signori è di tutte e ghjente chì vi dispiacenu ? Seria interessante, pensu. »

Una pruposta tale, detta d’una manera cusì calma è cusì seria, cutrò u sangue di Francescu più ch’ellu era dighjà. Quell’omu, ch’ellu ùn cuniscia mancu, li parlava di a manera a più seria chì fussi di l’eventualità di tumbà ghjente. Francescu ùn ci vulia crede. Più ch’e prima si pentia d’avè pigliatu cun ellu in a so vittura stu passageru cusì terrificante, chì parlava allunghendu sempre a lettera « s », tale un sarpu.
Ma u sunniacciu ùn era compiu per Francescu, mentre chì l’omu, sughjunghjì :
« S’e a vulete, s’e vulete organizà un operazione per eliminà à qualchissia chì vi spiace, tutti i ricchi chì piglianu l’avione in Figari, o quale ch’e vulete, sapete ch’e sò prontu è chì seria un piacè supranu per mè d’assicurà l’operazione d’eliminzione. Ma di sicuru, ci serà un prezzu à pagà per voi stessu. »

Francescu, più spavintatu ch’e mai, pigliò infine cuscenza di manera certa ch’e l’omu accantu à ellu, ch’ellu fussi scemu o micca, era periculosu. Ormai, a so sola presenza, moltu più ch’e e so parole, bastava à turmintàllu. Puru, ellu firmava sempre decisu à ùn palisà i so sintimi. Per quessa, vulendu parè naturale, dumandò :
« Cosa fate in a vita vostra ? S’e a mi vulete dì, di sicuru. »
L’omu, accentò u so surrisu, più maleficu ch’e mai, è rispose :
« Sò Lernazg. Sò U Purtatore di Luce. »
Francescu, chì fin’à tantu ùn avia cusì praticatu a Bibbia, ùn capì subitu l’allusione, ma dighjà a cunversazione li paria d’esse duvintata tonta, fracica, senza più nisun sensu. U so spiritu era persu persu, incapace di riflette, è ùn aspettava nunda di più ch’e a fine di u sunniacciu, quale ch’e fussi sta fine. Fù à stu mumentu ch’e u dettu Lernazg li dumandò :
« È voi allora ? Induve andate ? »
In circustanze nurmale, Francescu ùn averia mai rispostu à sta dumanda indiscreta, è ancu di più s’ella venia d’un strangeru ch’ellu ùn cuniscia manc’appena. Puru, u so spiritu era quasi vintu da a sola presenza malefica di Lernazg, è rispose quantunque, cun debbulezza :
« Rivoltu in Nivrasi. »
Subitu Francescu rincrescì d’avè rispostu, d’avè parlatu, à qualchissia tale. Ùn riescia micca à capì perchè a so vulintà li paria ormai annientata. A so risposta era stata ancu più periculosa ch’e Lernazg subitu dumandò :
« Nivrasi ? Interessante. SSSSSSS. Ùn site parente incù Ghjacumu Ferletti ? »

Sta questione fù per Francescu cume un colpu di piola ! Era assai impenseritu di vede ch’e stu furesteru pudessi cunosce u so tintu cugnatu, ch’ellu avia passatu settimane à circà in vanu. Ghjacumu. U fratellu di a so moglia, chì si ne era fughjitu dopu à avè tombu à Pulsametti chì avia furzatu a so surella. A so surella, Fiurina chì era dunque a moglia di Francescu !
A corcia è dolce Fiurina, dighjà sfracelata in mente da a so aggressione, era ormai addisperata da a sparizione di u so fratellu. Tuttu « l’affare » era accadutu cusì in furia ch’e Francescu ùn avia avutu u tempu di riagisce per aiutà u so cugnatu, smaritu senza dì nunda.
U solu fattu ch’e stu furesteru li parlessi quasi spuntaneamente di Ghjacumu era per ellu a prova ch’ellu sapessi qualcosa. Ancu di più ch’e di « l’affare », si ne era ch’e pocu parlatu in a stampa.

Fù à stu mumentu cruciale per Francescu chì Lernazg pruponì :
« S’e vo vulete, vi possu mandà à ellu, s’e u circate sempre. Sò induve ellu hè postu chì si trova à l’agrondu in i mio lochi. SSSSSSS. »

Francescu ùn ne pudia più. Più mortu ch’e vivu, li paria d’esse duvintatu una mosca imprighjunata in a tela d’un ragnu. Ben ch’e u furesteru ùn ebbi prununciatu ch’e poche parole, Francescu era interruritu cume ùn l’era mai statu in a so vita. U colpu di grazia era statu per ellu di mintuvà u so cugnatu smaritu. Ma invece di fà rinasce in ellu a sperenza per Ghjacumu, Francescu ùn avia più per unicu laziu ch’e di fughje s’ellu a pudia sempre.

U so soffiu era duvintatu cortu, i so ochji li brusgiavanu, è li sembrava ch’e a so vulintà era duvintata sottumessa à quella di Lernazg. Inoltre, li era venutu un tremulu incontrollevule chì, affettendu i so gesti, rendia a so cundutta periculosa. Mentre chì a paura l’impediscia di riflette di manera curretta, Lernazg era firmatu meteru, sempre surridente, incù un sguardu tarribile di sarpu o di cruccudillu.
Prontu à pienghje, senza più nisun cuntrollu, Francescu devì fà un sforzu strasurdinariu chì li strappò quasi a mente, per prununcià qualche corcie parole :
« S’e vo vulete… s’e vo vulete… s’e vo vulete… vi facciu rigalu di a vittura. Ma… ma per pietà… per pietà, lasciatemmi sorte… lasciatemmi liberàmmi… per pietà… »
D’una manera quasi impercettibile, u surrisu di Lernazg si svanì, rimpiazzatu da una spressione di riflessione chì durò una decina di seconde, senza fine per u corciu Francescu. Pò, u so surrisu rivenì stessu, è Lernazg rispose :
« Ssa vittura ùn mi cunvene. Ùn mi curresponde micca. Ùn s’assumiglia à una vittura di lussu tale ch’elle sò quelle ch’o pigliu sempre. Ma puru, per un unica volta, a vostra dumanda serà accittata. Mi ne facciu l’altu favore. »
È senza mancu lascià à Francescu u tempu di risponde qualcosa, Lernazg ordinò :
« Piantate a vittura. Subitu. Quì. »

Subitu dettu, troppu felice di pudè ubbidisce à st’ordine chì u salvava, Francescu piantò a vittura in pienu mezu à a strada, senza mancu impenseriscessi di u periculu, subitu escì di a so vittura, mentre chì Lernazg s’impatrunia di e cumande, è fà smarrà a vittura, chì prestu smarì.


Firmatu solu, Francescu ùn pensava mancu à u fattu ch’ellu venia di rigalà a so vittura à un strangeru. Ne mancu ch’ellu pensava à u fattu ch’ellu era, tra Ponte Novu è Ponte Leccia, senza nunda, è senza sapè cumu avia da fà per raghjunghje Nivrasi. Solu l’impurtava u fattu ch’ellu avia riescitu à fughje. Solu què.
Pusatu in bor’di strada, u so sullevu l’annegava di felicità. Li paria d’avè salvatu a so vita.

Puru, dopu à qualche minute di beatitudine, Francescu si rimisse à riflette di manera più attiva, è quasi si rimprovava a so paura. Certe, l’omu puzzava u malefiziu è a perversità d’una manera ch’e Francescu ùn averia mai credutu pussibile, ma almenu à nome di u so cugnatu, averia devutu pruvà à capì s’ellu sapia veramente qualcosa.


Tandu Francescu decidì di fà tuttu cio ch’ellu puderia per ritruvà à Lernazg – ellu avia dettu ch’ellu andava in Figari, era dunque quallà ch’ellu devia circà – per sapè, per pruvà di ritruvà à Ghjacumu.


Ma per quessa, avia bisognu, à u più prestu, d’un veiculu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Dim 19 Jan - 0:28

Avà mi faci ghjunghje a paura cun a to storia di Lernazg chì rundighjeghja per Casamozza... palidu 

U mo scrittu à me hè appena più cortu...
Revenir en haut Aller en bas
Voir le profil de l'utilisateur http://isulana.blogspot.com
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Dim 19 Jan - 0:37

Bastia, u 4 di lugliu di u 2011, sett'ore di sera.

A ghjurnata di travagliu s'era compia. Dopu chjosu u magazinu ùn avia ch'un'idea in capu, ghjunghje in Petracurbara, empie a bagnarola, aghjunghje ci aromu di tè verde è ciuttà mi nentru.
In vittura, risunavanu ritmi cubani. Dipoi ch'avia cuminciatu i corsi di salsà, m'era pigliata di passione per sta musica è cusì, un pede nantu à l'acceleratore l'altru battendu a misura, avia pigliatu a strada d'a casa. A cità ùn era ancu diserta, ci era sempre qualchi Bastiacciu, per u più zitelloni chì, passata l'angoscia di l'esami, ridianu è ciarlavanu nantu à a traversa, è i fideli di i caffè chì tricavanu à rientre mentre tricava u sole à trapughjà.

Francatu a piazza Santu Niculà, rimarcai un omu ch'aspettava un passu per andà in Capicorsu. Ùn sendu troppu in ritardu mi cansai davanti à ellu. Mi ringraziò in u Thank you curtese è si calò in vittura. Era un omu d'una quarantina d'anni, appena troppu vestutu per a stagione cun ghjubbone in coghju è santiags. Ci parlaimu pocu è micca, ùn sapia u francese ed eiu mancu una parulla in inglese. Tenia nantu à i so dinochji un pezzu di cartone induve era scritta a so destinazione. Avia ghjuvatu assai vistu chì l'omu avia assicuratu l'orli frusti cun appena d'appiccicatoghju rossu. Un pocu distratta, ùn m'era accorta chì davanti à noi, a circulazione era piantata. Sciaccai un bruscu colpu di frenu. L'Inglese ùn ebbe nisuna reazzione, quant'è ch'ùn l'avessi mancu avutu accantu.
U sò più cume aghju persu u cuntrollu d'a vittura, m'arricordu di l'entrata di Grisgione, a prima ingirata, u ponte subitu dopu è più nunda.

U lindumane, Sebastianu u mo cucinu gendarme, era ghjuntu à vede mi à l'ospidale :

-Sì stata furtunata, ancu un pocu è ci lacavi l'achette.

-Campa chì c'era a ringhera in Grisgione osinnò mi ne falava nantu à u tettu d'u snack, sottu à u ponte.

-Chì ringhera ? Ai pichjatu in un muru à l'entrata di Siscu.
I pruprietarii anu purtatu lagnanza contru à tè: hè cusì chì si face, capisci, per l'assicuranze...ma sì in vita, hè u più impurtante.

-È l'omu accantu à me ?

-Quale  ?

-Era davanti à a Camara di Cummerciu, una cartella in manu induve aghju lettu SISCO. L'aghju pigliatu cun mè, andavamu in listessa direzzione.

-Ùn c'era nimu for di tè quandu simu ghjunti sopra à locu, a porta passaghjeru era cundannata è ùn averia pussutu sorte nimu.
Vecu chì sì stanca.Ti lasceraghju dorme.Ùn t'inchietà, dumane a memoria ti rivenerà.
Tè ! In vittura c'era stu sacchettu. Forse n'ai bisognu per u travagliu.
Arriposati bè !

Sebastianu mi basgiò è surtì d'a camara .
Ùn avia tanti lazii di fidighjà, pensendu à l'Inglese svanitu in a natura, ma appressu tuttu u sacchettu era ciò chì mi fermava d'u mo viaghju cun ellu. Ringuersciai u cuntenutu nantu à u lettu cun curiosità è apprensione mischiate.
Si ne falò u mo fiatu : sottu à una mansa di ducumenti, affaccava l'appiccicatoghju rossu d'a cartella di l'omu. Ritenendu u mo soffiu, pigliai u cartone trà u ditone è l'indice, cun dilicatezza. Da tantu fubbi surpresa da ciò ch'era scrittu nantu, u feci quasi cascà in terra.

Sette lettere à u feltru negru, sette lettere è una destinazione











Dernière édition par Sperenza le Dim 19 Jan - 23:05, édité 4 fois
Revenir en haut Aller en bas
Voir le profil de l'utilisateur http://isulana.blogspot.com
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Dim 19 Jan - 8:44

Cumu ? Ùn u cuniscii micca à Lernazg ?  ride 
U toiu dinù, mi garba assai !  evviva 
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Contenu sponsorisé




MessageSujet: Re: Scritti imposti   

Revenir en haut Aller en bas
 
Scritti imposti
Voir le sujet précédent Voir le sujet suivant Revenir en haut 
Page 8 sur 11Aller à la page : Précédent  1, 2, 3 ... 7, 8, 9, 10, 11  Suivant
 Sujets similaires
-
» Scritti imposti
» Scritti imposti
» Scritti imposti antulugia

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: